Psa 38 | VulgJ | STEP | in finem Idithun canticum David pro victoria Idithun canticum David

Psalms 38

1 in finem Idithun canticum David ^va 2 dixi custodiam vias meas ut non delinquam in lingua mea posui ori meo custodiam cum consisteret peccator adversum me ^va 3 obmutui et humiliatus sum et silui a bonis et dolor meus renovatus est ^va 4 concaluit cor meum intra me et in meditatione mea exardescet ignis ^va 5 locutus sum in lingua mea notum fac mihi Domine finem meum et numerum dierum meorum quis est ut sciam quid desit mihi ^va 6 ecce mensurabiles posuisti dies meos et substantia mea tamquam nihilum ante te verumtamen universa vanitas omnis homo vivens diapsalma ^va 7 verumtamen in imagine pertransit homo sed et frustra conturbatur thesaurizat et ignorat cui congregabit ea ^va 8 et nunc quae est expectatio mea nonne Dominus et substantia mea apud te est ^va 9 ab omnibus iniquitatibus meis erue me obprobrium insipienti dedisti me ^va 10 obmutui et non aperui os meum quoniam tu fecisti ^va 11 amove a me plagas tuas ^va 12 a fortitudine manus tuae ego defeci in increpationibus propter iniquitatem corripuisti hominem et tabescere fecisti sicut araneam animam eius verumtamen vane conturbatur omnis homo diapsalma ^va 13 exaudi orationem meam Domine et deprecationem meam auribus percipe lacrimas meas ne sileas quoniam advena sum apud te et peregrinus sicut omnes patres mei ^va 14 remitte mihi ut refrigerer priusquam abeam et amplius non ero

^va